२२ असार, काठमाडौं । शुक्रबार रातिदेखिको अविरल वर्षाका कारण आएको बाढीका कारण काठमाडौं उपत्यकाको जनजीवन पनि प्रभावित भएको छ । सबैभन्दा धेरै भक्तपुरको मनोहरा किनार तथा ललितपुर र काठमाडौंको बागमती किनारमा बाढीको असर परेको छ ।
ललितपुरको युएन पार्क क्षेत्रको सडक डुबानमा परेको छ भने थापाथलीदेखि बल्खुसम्म नदी किनारमा रहेका सुकुम्बासीको घरटहराहरु पनि डुबाएको छ । बल्खुस्थित तरकारी बजार र त्यस वरपरका खाजा पसलहरु पनि डुबाएको छ ।
